Шаман — пераклад з рускай мовы
Posted by Владимир Череухин on 12 мая 2018 in Владимир Череухин - Стихи на белорусском языке | ∞
Шаман
(аўтарскі пераклад. Арыгінал знаходзіцца тут )
Барвяныя змеі, імклівыя змеі
Танцуюць вясёла.
І чорныя цені, маўклівыя цені
Сыходзяцца ў кола.
Духмяныя травы, дурманныя травы
Ссыпаю з далоні.
Таемнае слова, магутнае слова
Ляціць у бяздонне.
Дзікунская песня, гартанная песня
Накручвае сілы,
І позірк дзівосны, страхотна дзівосны
Сляпы і застылы!
Прасушаны бубен, раз’юшаны бубен
звініць і грукоча!
Узносяцца крылы, савіныя крылы
І птушка рагоча.
У вабную бездань, зіхоткую бездань
Паўз нетры туману
Нябачная сцежка, вужыная сцежка
Бяжыць за шаманам
9 сакавіка 2018