Апошні сноп з сёлетніх літаратурных дажынак

Posted by Владимир Череухин on 28 Октябрь 2019 in Блог |

22 кастрычніка ў бібліятэцы імя Герцэна адбылася літаратурна-музычная вечарына “ДУША НАША СКЛАДАЕЦЦА СА СЛОЎ…”, якую арганізаваў савет Гомельскага абласнога аддзялення ГА “СПБ” пры падтрымцы гарадской бібліятэчнай сістэмы.
У імпрэзе бралі ўдзел пісьменнікі Гомельшчыны, сяльцы Гомельскага абласнога аддзялення ГА “Саюз пісьменнікаў Беларусі” і Міжнароднага Саюза пісьменнікаў і майстроў мастацтва, маладыя аўтары, удзельнікі літаратурных аб’яднанняў Гомельскай вобласці, работнікі культуры і асветы.
Вялі мерапрыемства Стася Кацюргіна і Алла Бялькова. Амаль не сыходзіў са сцэны старшыня Гомельскага абласнога аддзялення СПБ Уладзімір Гаўрыловіч. Ён расказаў прысутным пра «свайго дзіцёнка»: новы міжнародны літаратурны альманах «Літара» (выйшла два нумары: першы – прысвечаны Дзяцінству, другі – 75-годдзю вызвалення Беларусі і 75-годдзю Перамогі).
У другім нумары альманаха выйшла апавяданне Дар’і Дарошка «Дарма сабе», прысвечанае яе бабулі, Марыі Стафанаўне Літвін: дзякуючы кемлівасці жанчын і пры дапамозе самагону ды кравецкіх нажніц увесь гурт людзей, якіх разам з дзецьмі гналі ў Нямеччыну, здолелі ўцячы ад канвою і вярнуцца дамоў.
У другой частцы вечарыны прэзентавалі 5 сёлетніх кніг міжнароднага праекта моладзевай паэзіі і перакладаў «Берагі дружбы». Уладзімір Гаўрыловіч уручаў яго ўдзельнікам ганаровыя граматы, дыпломы і аўтарскія асобнікі кніг.
Дар’і Дарошка ўручылі падзяку ад арганізатараў «Берагоў дружбы» за творчую дапамогу і падтрымку сёлетняга 4-га фестываля і ганаровую грамату ад Бранскай абласной грамадскай пісьменніцкай арганізацыі за вялікую грамадскую і творчую дзейнасць, значны ўклад у развіццё міжрэгіянальнага і міжнароднага супрацоўніцтва.
Мне далі дыплом лаурэата III ступені, а таксама ганаровую грамату за актыўны ўдзел у фестываліі і грамадскую працу па ўмацаванні літаратурных сувязяў паміж народамі Расіі, Беларусі і Украіны.
Ну і нарэшце, пра самае галоўнае, пра сёлетнія фестывальныя зборнікі перакладаў, якія трапілі ў нашыя рукі: кнігі выйшлі ў Няклінаўскім раёне Растоўскай вобласці, вёсцы Пакроўскае, у выдавецтве «Таган». Пераклады на беларускую мову ўвайшлі ў зборнік «Срэбная крыніца», а пераклады на рускую мову надрукавалі ў кнізе «Пахнут мёдом наши травы».
Праз выдавецкую памылку прозвішча Дар’і Дарошка ў змесце кнігі «Пахнут мёдом наши травы» няма, але насамрэч яна ў кнізе ёсць — шукайце на старонках знаёмы твар. ))
У трэцяй частцы імпрэзы ўганаравалі дыпломамі кіраўнікоў і лепшых аўтараў (адзначаных міжнародным журы 13.10.2019 г.) літаратурных аб’яднанняў Гомельшчыны па выніках Першага адкрытага 8агляду-конкурсу літаратурных аб’яднанняў і літаратурных клубаў Беларусі, Расіі і Украіны. У прыватнасці далі ганаровыя граматы кіраўніку раённага літаб’яднання «Пралеска» — атрымальніка сёлетняга гран-пры Еве Дударзе, кіраўніку сяльмашаўскага літаб’яднання «Раднікі» Галіне Гузянковай, паэтам: Ніне Шкляравай, Галіне Рагавой, Галіне Радзівонаўне і многім іншым.
Вечарыну ўпрыгожылі песнямі Сяргей Старыкаў, Дзмітрый Нілаў, Аляксей Скачкоў і іншыя.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники

Copyright © 2011-2020 Татмир — Литературный сайт Дарьи Дорошко и Владимира Череухина All rights reserved.
This site is using the Desk Mess Mirrored theme, v2.5, from BuyNowShop.com.