Я ўцякаю ад слоў… пераклад з рускай мовы Дар’і Дарошка
Posted by Владимир Череухин on 29 November 2021 in Владимир Череухин - Стихи на белорусском языке | ∞
Я ўцякаю ад слоў,
Я хачу хоць глыток цішыні,
Свежых фарбаў хачу
І свабоднага ветру, вядома.
Я хачу, каб святло
Затапіла вачніцы вясны,
Каб відушчыя сны
Адпусціла мая падсвядомасць.
Я ўцякаю ад іх,
Каляровых, сюжэтных, п’янкіх.
Прачынаюся ў змрок
Сэрца ў цемры імчыцца галопам.
Я хачу, каб святло
Затапіла вачніцы вясны,
Каб мой фенікс забыў
Пра застылы, прасолены попел.
18.01.2019