Палёты ў сне

Posted by Владимир Череухин on 2 June 2012 in Владимир Череухин - Стихи на белорусском языке | ∞

Палёты ў сне

Прысвячаецца
Т. Дарошка

Я сяджу на холадным карнізе,
Пазіраю на горад унізе.
Пазіраю на сонныя гмахі,
На залітыя месяцам дахі.
На пустыя бязлюдныя сцежкі
Пры святле серабрыстай усмешкі.
Ах, як добра, як хораша спіцца!
Ах, як хочацца неба напіцца!
Пакружыць у міжзорным абшары,
Дзе жывуць чалавечыя мары.
Удыхнуў поўны грудзі бязмежжа,
Паглядзеў на далёкую вежу,
Дзе фігурныя стрэлкі застылі,
І – расправіў бясплотныя крылы.

17 верасня 2009г