Русалкі
Posted by Дарья Дорошко on 19 ноября 2023 in Дарья Дорошко - Стихи на белорусском языке | ∞
Мой лістападзе, прачынацца час!
На вечным золку —зараз змрок і холад.
Калі на дрэвах шэрань, быццам наст,
Тады русалкі пакідаюць горад.
Па дзіўным насце ў свет гушчарных сноў
Яны сыходзяць памяртвелым цудам.
На сінечы шмат зорных ланцугоў:
Сляды адводзяць прэч ад злой астуды.
А снегапад стварае міражы
І засыпае ўсе памылкі лёсу.
Зіма. І холад. Толькі трэба жыць.
Каб на вярбе плялі русалкі косы.
31.10.23