Бібліятэка

Кожны ранак прачынаемся —
Новай кнігай пачынаемся.
І чытае ў кнізе бог,
Хто нам сёння дапамог,
Хто пакрыўдзіў, хто зняважыў.
Кожны крок у кнізе важны,
Кожная старонка, слова —
Значна ўсё, І нават мова.
Дзень праходзіць, і чытач
Кажа сам сабе: “Дабранач!”,
Ставіць кнігу на паліцу,
Каб нам — новай нарадзіцца…
Раніцою прачынаемся —
Новай кнігай пачынаемся.
І чытае ў душах Бог
Колькі хто прайшоў дарог;
Хто занадта гора ўбачыў…
І чытае бог, і плача.
А бывае, што рагоча,
Калі лёс па сонцу крочыць,
Калі шчасце на старонках,
Унутры душы і звонку.
Усміхаецца, святлее,
Сам блукае па алеі…
І чытае аж да ночы,
Быццам побач з намі крочыць.
Новы ранак пачынаецца —
Іншай кнігай прачынаемся…
3.11.24

Tags: Дарья Дорошко, стихи на белорусском языке, философские стихи