Вулічны музыка
Posted by Дарья Дорошко on 18 June 2019 in Дарья Дорошко - Стихи на белорусском языке | ∞
Вулічны музыка
На вулічнай пляцоўцы ля палацу
Спяваў прыгожы малады музыка.
Гітару ён сваю пяшчотна ласціў,
Басы ў калонках дабаўлялі крыку.
Густоўная, дасціпная праграма —
І слухачы запляскалі ў далоні.
А ён спяваў пра цягнікі і маму,
Пра колаў стук і дрэвы на адхоне.
Пра памяць, што ирве на часткі сэрца,
Пра слёзы здрады і цяжар праклёну….
А ў храме побач з гэтым гучным месцам
Музыку моўчкі слухалі іконы.
18.05.2019