Павуццё зімовае з зоркавым адценнем…

Опубликовано-> Дарья Дорошко 21 Декабрь 2018 в Дарья Дорошко - Стихи на белорусском языке |

* * *
Павуццё зімовае з зоркавым адценнем:
Ці то шэрань з інеем, ці то снег блішчыць.
Павучок у роспачы, бо згубіў адзенне:
Голенькі ды кволенькі аж звініць-трымціць.
Холадна да млоснага, цьмянага адчаю,
Апраметнай немачы, чорнае тугі.
Нас зіма шалёная спакушае чаем,
Снамі пра зялёныя добрыя лугі.
Павучку між шыбамі сніцца тонкі вэлюм
І смуга спякотная, і мільёны мух.
Павучка журботнага замяту пад мэблю:
Там, у цемры ццёпленькай смецце, пыл і пух.
Пакладу між шыбамі старасвецкай ваты,
Шмат бліскучых шкельцаў, цацак для ялін…
Новы год апоўначы завітае ў хату,
І закруціць хтосьці зноў зорна-снежны млын.
18-19.12.2018

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники

Метки: , , , ,

Новое на сайте:

Copyright © 2011-2019 Татмир — Литературный сайт Дарьи Дорошко и Владимира Череухина All rights reserved.
This site is using the my_desk Child-Theme, v0.1.0, on top of
the Parent-Theme Desk Mess Mirrored, v2.2.3, from BuyNowShop.com.