Свет у падарунак

Posted by Дарья Дорошко on 11 апреля 2014 in Дарья Дорошко - Стихи на белорусском языке | ∞

Свет у падарунак

Ува мне віруюць сілы:
Да нябёсаў далятаю!
Ён такі дабразычлівы —
Свет, які сама вярстаю!
На старонках ззяе месяц,
Ветрык ледзьве падзьмухае —
Міжрадкоўе ўсіх абвесціць:
Гэта я цябе кахаю!
Кожнай лужыне адбітак
Сонца дорыць шчыра, шчодра!
Новы дзень як фотаздымак,
На якім і ў дождж, і ў вёдра
Ззяе зорачка любові
Мой агонь не патухае —
Паўтараю, бы ў замове:
«Гэта я цябе кахаю!»
А на вокладцы, пад назвай,
Там, дзе прозвішча паэта, —
«Не блазнуй, — замест адказу! —
Я цябе кахаю гэта.»…